 |
| مل بیٹھ کر اعتراضات کا حل نکالیں،نصاب تشکیل دینا عدالت کا کام نہیں ہے،سپریم کورٹ |
اسلام آباد (اصغر رحمت کوارڈینئٹر ساہیوال ڈویڑن نوا? مسیحی نیوز )سپریم کورٹ نے اقلیتوں کے حقوق سے متعلق ازخود نوٹس پر سماعت غیر معینہ مدت تک ملتوی کر تے ہوئے کراچی میں مندروں کے اطراف تجاوزات پر سندھ حکومت سے جواب طلب کر لیا۔ عدالت عظمی نے قومی اقلیتی کلچرل ایوارڈز تقریب نہ ہونے پر وفاقی حکومت سے جواب مانگ لیا۔ سپریم کورٹ نے متروکہ وقف املاک کو عدم ادائیگی پر سیل کیے گئے ایگریکلچر ریسرچ سنٹر نوشہرہ کو ڈی سیل کرنے کا حکم دیتے ہوئے صوبائی حکومت کو 30 جون تک 2 کروڑ 33 لاکھ روپے کے بقایاجات ادا کرنے کا حکم بھی د یا۔ عدالت عظمی نے یکساں تعلیمی نصاب پر اعتراضات کے معاملہ عدالتی اقلیتی کمیشن اور نصاب کونسل کو مل بیٹھ کر حل کرنے کی ہدایت کر دی۔ بدھ کو جسٹس اعجاز الاحسن کی سربراہی میں تین رکنی بینچ نے اقلیتوں کے حقوق سے متعلق ازخود نوٹس پر سماعت کی۔ دوران سماعت دراخوست گزار مسیحی سماجی شخصیت سیموئل پیارا نے موقف اخٹیار کیا کہ قومی اقلیتی کلچرل ایوارڈز کی تقریب 2012 سے اب تک نہیں ہوئی، ایوارڈز ملنے سے اقلیتوں کی خدمات پر سرکاری سطح پر حوصلہ افزائی ہوتی تھی۔ اس دوران یکساں تعلیمی نصاب کے معاملہ پر اعتراض اٹھایا گیا۔ جس پر جسٹس اعجاز الاحسن نے ریمارکس دیئے کہ مل بیٹھ کر نصاب سے متعلق اعتراضات کا حل نکالیں، نصاب تشکیل دینا عدالت کا کام نہیں ہے،نصاب تشکیل دینے کیلئے قومی نصاب کونسل موجود ہے اسی کا فیصلہ حتمی ہوگا۔
یہ بھی پڑھیں؛ اقلیتی طلبہ اخلاقیات کے بجائے اپنے مذہب کی کتب پڑھیں گے
عدالت عظمی نے یکساں تعلیمی نصاب پر اعتراضات کا معاملہ عدالتی اقلیتی کمیشن اور نصاب کونسل کو مل بیٹھ کر حل کرنے کی ہدایت کر دی۔ سپریم کورٹ نے کراچی میں مندروں کے اطراف تجاوزات پر سندھ حکومت سے جواب طلب کر لیا۔ عدالت عظمی نے قومی اقلیتی کلچرل ایوارڈز تقریب نہ ہونے پر وفاقی حکومت سے جواب مانگ لیا۔سپریم کورٹ نے متروکہ وقف املاک کو عدم ادائیگی پر سیل کیے گئے ایگریکلچر ریسرچ سنٹر نوشہرہ کو ڈی سیل کرنے کا حکم دیتے ہوئے صوبائی حکومت کو 30 جون تک 2 کروڑ 33 لاکھ روپے کے بقایاجات ادا کرنے کا حکم بھی دیدیا۔
یہ بھی پڑھیں:قصور مسیحی طالبہ دن دیہاڑے ہراساں، والد کی تحفظ کی اپیل
إرسال تعليق
Show discipline and civility while commenting and don't use rude words. Thanks for your cooperation