کوئٹہ میں گیس لیکج کا المناک حادثہ، پاسٹر شاہد اور اہل خانہ جاں بحق

Quetta Gas Leak Tragedy Claims Lives of Pastor Shahid and Family

 کوئٹہ (نوائے مسیحی نیوز)کوئٹہ میں گیس لیکج کا المناک حادثہ، پاسٹر شاہد اور اہل خانہ جاں بحق تفصیلات کے مطابق گیس لیکج کے باعث پیش آنے والے المناک حادثے نے مسیحی برادری سمیت ہر حساس دل رکھنے والے شخص کو سوگوار کر دیا ہے۔ اس افسوسناک سانحے میں معروف مذہبی شخصیت پاسٹر شاہد، اُن کی اہلیہ اور معصوم بچوں کے انتقال کی خبر نے فضا کو غم میں ڈبو دیا۔

مقامی ذرائع کے مطابق یہ حادثہ اچانک گیس لیکج کے باعث پیش آیا جس کے نتیجے میں گھر کے افراد شدید متاثر ہوئے۔ واقعے کی اطلاع ملتے ہی اہل علاقہ اور ریسکیو ٹیمیں موقع پر پہنچ گئیں، تاہم افسوس کہ قیمتی جانیں بچائی نہ جا سکیں۔

پاسٹر شاہد کو مقامی مسیحی برادری میں ایک مخلص مذہبی رہنما کے طور پر جانا جاتا تھا۔ وہ نہ صرف روحانی خدمات انجام دے رہے تھے بلکہ سماجی اور فلاحی سرگرمیوں میں بھی بھرپور کردار ادا کرتے تھے۔ اُن کے انتقال سے مسیحی برادری ایک مخلص رہنما سے محروم ہو گئی ہے۔

یہ دلخراش حادثہ اس حقیقت کی بھی یاد دہانی ہے کہ گھروں میں گیس کے نظام کی بروقت جانچ اور احتیاطی تدابیر اختیار کرنا نہایت ضروری ہے تاکہ ایسے سانحات سے بچا جا سکے۔

اس افسوسناک سانحے پر مسیحی برادری سمیت مختلف سماجی و مذہبی حلقوں کی جانب سے گہرے دکھ اور افسوس کا اظہار کیا جا رہا ہے۔ مرحومین کے لیے دعائیں کی جا رہی ہیں کہ خداوند انہیں اپنے ابدی آرام میں جگہ عطا فرمائے اور سوگوار خاندان کو صبر، حوصلہ اور تسلی عطا کرے۔