مائنز لیبر ویلفیئر کمیشن پنجاب کا سینٹری ورکرز آسامیاں اقلیتوں سے منسوب کر کے تعاصب کا مظاہرہ

آئین پاکستان کی شق 25 (1) پاکستان کے تمام شہریوں کے مساوی حقوق کی ضمانت دیتی ہے۔ ملک میں بسنے والی مسیحی اقلیت جس نے تعلیم، طب اور دفاعی شعبہ جات میں گراں قدر خدمات سرانجام دی ہیں اور اس وقت ملک کی تعمیر و ترقی میں برابر کردار ادا کر رہی ہے اپنی خدمات کے عوض صرف باعزت حیثیت کی طلبگار ہے۔ مگر ہر سال کوئی نہ کوئی سرکاری محکمہ سینیٹری ورکرز کی بھرتی کے لیے اشتہارات کو اقلیت سے منصوب کردیتا ہے جس سے اقلیتوں کی دل آزاری ہوتی ہے۔

یہ بھی پڑھیں؛کرسمس کے حوالے سے سینٹری ورکر ز ڈی ایچ کیو بھمبر کودعوت ایم ایس ڈاکٹر شہزاد غضنفر کی مذہبی رواداری کی مثال ہے

 ملک میں لاقانونیت کی وجہ سے مذہبی اقلیتوں کو ظلم و ستم اور تعصب سے گزرنا پڑتا ہے۔ اس کی تازہ ترین مثال اس اشتہار کی ہے جس میں مائنز لیبر ویلفیئر کمیشن پنجاب کی جانب سے 04 سینیٹری ورکرز کی بھرتی پر توجہ دی گئی ہے۔ اصل شرط یہ ہے کہ امیدواروں کو اقلیتوں سے ہونا چاہئے۔ اگرچہ نوکریوں میں اقلیتوں کے لئے صرف 5 فیصد کوٹہ مختص ہے۔ اس سے اقلیتوں کے بارے میں ذہنیت کی نشاندہی ہوتی ہے۔

یہ بھی پڑھیں؛عمانوئیل مسیح کوٹرک کے نیچے کچل دیا گیا

اس اشتہار کے سامنے آنے سے پھر وہی زخم کھریدے گئے ہیں جو چند ماہ کے وقفے سے کھریدنے کا فریضہ کوئی نہ کوئی سرکاری محکمہ سرانجام دیتا رہتا ہے۔ اقلیتی سماجی ورکروں، چند ایک نمائندوں اور سوشل میڈیا صارفین کے شور مچانے پر معذرت کرلی جاتی ہے اور اشہتار میں ترمیم کردی جاتی ہے۔ کیا ایسا سوچی سمجھی سازش کے تحت کیا جاتا ہے؟ یا ریاست اپنے محکموں میں آئین پاکستان کو نافذ کرنے میں فی الحال ناکامی کا شکار ہے۔

یہ بھی پڑھیں؛عمانوئیل مسیح کوٹرک کے نیچے کچل دیا گیا

ہم نوائے مسیحی کے پلیٹ فارم سے آج حکومت وقت سے مطالبہ کرتے ہیں کہ اقلیتوں کی دل آزاری نہ کی جائے اور تمام محکمہ جات میں خصوصی سرگرمی سے ایسے اشتہارات پر پابندی لگائی جائے جو اقلیتوں کے لیے دل آزاری کا باعث بنتے ہیں۔

یہ بھی پڑھیں؛گوجرانوالہ؛ گلی میں نالی کے تنازعہ پر مسیحی ماں اور بیٹے کو گولیوں سے چھننی کردیا