یورپ جاکر کامیابی کے لیے ضروری ہنر - تحریر شکیل انجم ساون

یورپ جا کر کامیابی کے لیے ضروری ہنر

یورپ میں مقیم ایک دوست سے گفتگو ہورہی تھی۔ کہ یورپ جاکر نوکری کے سلسلے میں ان سے موضوع چھڑ گیا ۔ ان سے مشورہ مانگا کے نوجوان جو یورپ جانے میں کامیاب ہوجائے تو اسے وہاں کس طرح ایڈجسٹ ہونے میں کامیابی مل سکتی ہے۔ تو ان دوست نے بتایا کہ یورپ میں کامیاب ہونے کے لیے آپ کے پاس اچھی مہارت کی ضرورت ہے تاکہ آپ کو اچھی نوکری مل سکے۔ زیادہ تر لوگوں کو یورپ آنے پر فوراً وائٹ کالر نوکریاں نہیں ملتی ہیں، اس لیے وہ معمولی تکنیکی ملازمتیں کرتے ہیں، جیسے ریستوران میں کام کرنا یا برتن دھونا۔

لیکن، اگر آپ کے پاس چھوٹی اور مفید مہارت ہے، تو آپ یورپ میں بہتر کما سکتے ہیں۔ مثال کے طور پر، اگر آپ باریسٹا بننے کے لیے کوئی کورس کرتے ہیں تو یہ ایک بہترین مہارت ہو سکتی ہے۔ باریسٹا وہ ہوتا ہے جو کافی بنانے میں ماہر ہو اور مختلف قسم کی کافی بنانے کی صلاحیت رکھتا ہو۔

یورپ میں سیٹ ہونے کے خواہشمند افراد اگر یہ کورس مکمل کریں تو ان کے پاس سرٹیفکیٹ ہوگا اور تجربہ  ہوگا جس سے ان کے ملازمت حاصل کرنے کے امکانات بہت بڑھ جاتے ہیں۔ یورپ پہنچنے کے بعد، اگر آپ کے پاس یہ مہارتیں ہیں، تو آپ کو فوری طور پر نوکری ملنے کے زیادہ امکانات ہوں گے۔

یورپ میں کامیابی کے لیے چھوٹی مہارتیں سیکھنا بہت ضروری ہے۔ بارسٹا بننے کے لیے کورس کر کے آپ یورپ میں ایک مستحکم مستقبل کی طرف گامزن ہو سکتے ہیں۔ اس طرح آپ یورپ میں بہتر مواقع حاصل کر سکتے ہیں اور اپنے خوابوں کو حقیقت بنا سکتے ہیں۔