پاپائی سفیر کرسٹوف ذخیا الخاسیس کاسینٹ ونسنٹ ڈی پال اولڈ ایج کا دورہ
بزرگوں نے پاپائی سفیر کا بڑی گرم جوشی کے ساتھ پھولوں کی مالا' اجرک' سندھی ٹوپی اور قلہ پہنا کر استقبال کیا
پاپائی سفیر نے چیپل میں دعا کی‘تمام بزرگوں کے کمروں میں جا کر ان کے ساتھ ملاقات کی اور عیادت بھی کی
کراچی (نسیم انتھنی)مورخہ 13 دسمبر بروز منگل 2022 بمقام ڈرگ روڈ کراچی صبح30:8بجے سینٹ ونسنٹ اولڈ ہوم کے لئے بڑے فخر اور مسرت کی بات تھی کہ پاپائی سفیر کا بڑے شاہانہ اور والہانہ انداز میں استقبال کیا گیا انہیں خوش آمدید کہنے کے لیے سینٹ ونسنٹ اولڈ ہوم کے بزرگوں نے بڑی گرم جوشی کے ساتھ پھولوں کی مالا' اجرک' سندھی ٹوپی اور قلہ پہنا کر کیا گیا۔معزز مہمانوں میں اقدس مآب آرچ پاپائی سفیر کرسٹوف ذخیا الخیسس ان کے سیکریٹری ریورنڈ فادرکرسٹین جو ناڈو،عزت مآب آرچ بشپ بینی ماریو ٹریوس پیرش پریسٹ ریورنڈ وکٹر جنرل،ریورنڈ فادر ایڈوڈ جوزف پیرش پریسٹ ریورنڈ فادر نذر نواب ریورنڈ فادر راشد اسلم 'تھے۔ تمام مہمانوں نے اولڈ ہوم کے ایڈمنسٹر برادر ساگر نذیر کے ساتھ مل کر دورہ کیا۔ اولڈ ہوم میں بنائے گئے چیپل میں پاپائی سفیر نے دعا کی اس کے بعد تمام بزرگوں کی کمروں میں جا کر ان کے ساتھ ملاقات کی اور ان کی عیادت کی تمام بزرگوں کے ساتھ بات چیت کی '۔ پروگرام کا آغاز دعا کے ساتھ کیا گیا اور دعا میں رہنمائی وکر جنرل ریورنڈ فادر ایڈورڈ جوزف نے کی اس کے بعد اولڈ ہوم کی بزرگ خواتین نے گانے کے ساتھ ان کو خوش آمدید کہا بزرگ مردوں نے ایک گیت کے ساتھ اپنی خوشی کا اظہار کر کے خوش آمدید کہا۔اس کے بعد برادر ساگر نے اولڈ ہوم کے بارے میں بتایا کہ اس ادارے میں تقریبا 25افراد ہیں ہم اس ادارے میں مل کر گھر جیسے ماحول کو پاتے ہیں یہاں ہم باہم مل جل کر ایک دوسرے کے دکھ درد میں شریک ہوتے ہیں سب ایک دوسرے کا خیال رکھتے ہیں اس کے بعد اولڈ ہوم کے بزرگوں نے اردو اور انگلش میں آئے ہوئے تمام مہمانوں کا شکریہ ادا کیا۔عزت ماآب آرچ بشپ بینی ماریو ٹریوس نے بھی اپنے خیالات کا اظہار کیا آخر میں پاپائی سفیر نے سب کو برکتیں کلمات کے ذریعے برکت دیں۔بردر ساگر نے مختصر سی ریفریشمنٹ کا اہتمام کیا تمام مہمانوں کے ساتھ مل جل کر خیالات کا اظہار کیا آخر میں پاپائی سفیر نے برکت دی اور شکریہ کے ساتھ انہیں رخصت کیا۔
ایک تبصرہ شائع کریں
Show discipline and civility while commenting and don't use rude words. Thanks for your cooperation