ایک اور سینٹری ورکر پر توہین مذہب کا مقدمہ، مشتعل ہجوم سڑک پر نکل آیا

حیدرآباد پولیس نے توہین مذہب کے الزام میں مقدمہ درج کرتے ہوئے ایک خاکروب کو گرفتار کرلیا۔ تفصیلات کے مطابق بلال نامی شہری نے مقدمہ درج کراتے ہوئے پولیس کو اطلاع دی اور کہا کہ

" میں اپنی دکان پر موجود تھا کہ اسے ربیع پلازہ میں خرابی کی اطلاع ملی۔ جب وہ اپنے ساتھی کے ساتھ مرکز ربیع پہنچا تو دیکھا کہ کسی نے قرآن پاک کو جلانے کا مسئلہ بنا رکھا ہے۔جس پر میں دوسرے 8/10 لوگوں کے ساتھ ربیع سنٹر میں داخل ہوا اور جلے ہوئے قرآن پاک کی راکھ کو دیکھتا ہوا چوتھی منزل کی لفٹ پر پہنچا۔ اور دوسروں کے ساتھ وہاں موجود جھاڑو دینے والے سے پوچھا کہ تم نے جلایا ہے یا کسی نے تمہیں دیا ہے۔جو جواب نہ دے سکا۔

جس پر مذکورہ شخص اور جلے ہوئے قرآن پاک کو حفاظت سے نیچے لے آئے۔ جہاں ایس ایچ او کینٹ نے عملے سے ملاقات کی جنہوں نے قرآن پاک اور پکڑے گئے سویپر کو ان کے حوالے کیا جو اسے لے گئے۔ میں اس وقت پولیس اسٹیشن میں یہ اطلاع دینے کے لیے موجود ہوں کہ کسی نامعلوم ایک یا دو لوگوں یا صفائی کرنے والے اشوک کمار نے مسلمانوں کے امن و امان کو بگاڑنے کے لیے ہماری مقدس کتاب کو نذر آتش کیا ہے اور ہمیں شہید کیا ہے۔ ان کے خلاف قانونی کارروائی کی جائے۔"

 

قبل ازیں جب یہ اطلاع شہر میں پھیلی تو صورتحال انتہائی کشیدہ ہوگئی اور مشتعل ہجوم مذکورہ پلازہ کے سامنے جمع ہوگیا۔ دروازہ نہ کھلنے پر کچھ لوگوں نے سیڑھیاں لگا کر پلازہ میں داخل ہونے کی کوشش بھی کی۔ تمام دکانیں اور پٹرول پمپ بند کر دیے گئے اور قریبی شراب خانوں میں توڑ پھوڑ کی گئی۔

 واقعے کی اطلاع ملتے ہی پولیس اور رینجرز کی بھاری نفری کو بھی طلب کرلیا گیا۔ جنہوں نے ہجوم کو منتشر کرنے کے لیے لاٹھی چارج، ہوائی فائرنگ اور شیلنگ کا سہارا لیا۔ اس وقت شہر کے حالات انتہائی کشیدہ ہیں اور پورے شہر میں پولیس کی بھاری نفری تعینات کر دی گئی ہے۔