سیالکوٹ (رپورٹ؛ تنویر گل کوآرڈینیٹر نوائے مسیحی ) پاکستان تحریک انصاف منارٹی ونگ کے اہم راہنما کے والد آج شام انتقال فرما گئے۔
تفصیلات کے مطابق پاکستان تحریک انصاف مینارٹی ونگ کے اہم راہنما ثمرناظر کے والد آج شام 08:00بجے خداوند میں سوگئے ہیں۔
تفصیلات پڑھیں؛مسیحی تنظیم کے نوجوانوں کا روزہ افطاری کے لیے مقامی تنظیم کے ساتھ تعاون
نوائے مسیحی کو تفصیلات بتاتے ہوئے ثمر ناظر نے بتایا کہ والد محترم صحت مند تھے ۔ آج شام ان کا انتقال حرکت قلب بند ہونے سے ہوئی ہے۔
پی ٹی آئی راہنما کے والد کا نام ناظر مسیح تھا اور وہ ریٹائرڈ ٹیچر تھے۔ ان کی عمر 75سال تھی ۔ انہیں علاقے میں اہم مقام حاصل تھا اور عزت کی نگاہ سے دیکھا جاتا تھا۔
مرحوم ناظر مسیح کی جنازہ کی رسومات کل دن 12:00بجے ان کی رہائش گاہ پر ادا کی جائیں گی۔
مزید پڑھیں؛فخر ِ مسیحی قوم ثناءنکاش ناصر لیڈی میڈیکل آفیسر تعینات
چیئرمین نوائے مسیحی شکیل انجم ساون نے جناب ثمر ناظر سے فون کال پر والد کے انتقال پر اظہار تعزیت کیا اور کہا کہ پیٹرن انچیف دلنواز اور تمام ٹیم ثمر ناظر اور ان کے اہل خانہ کی تسلی کے لیے دعا گو ہے۔
پی ٹی آئی راہنما کے والد کے انتقال کی خبر سوشل میڈیا پر آتے ہی سیاسی ، سماجی اور مذہبی حلقوں کی طرف سے تعزیتی پیغامات جاری کئے جارہے ہیں اور مرحوم کے ورثاءکی تسلی کے لیے نیک خواہشات کا اظہار کیا جارہا ہے۔
ضرور پڑھیں؛کوڈ ٹو چینج کی بانی عفت روز گل ”ونڈر وومن ایمسٹرڈیم“ میں شامل
یاد رہے کہ ثمر ناظرپاکستان تحریک انصاف مینارٹی ونگ سینٹرل پنجاب کے فنانس سیکرٹری ہیں۔ان کا تعلق نارووال سے ہے۔
انہیں پاکستان تحریک انصاف مینارٹی ونگ میں اہم مقام حاصل ہے اور پارٹی کے لیے ان کی اہم خدمات ہیں۔
ایک تبصرہ شائع کریں
Show discipline and civility while commenting and don't use rude words. Thanks for your cooperation