اٹالین کیتھولک فادر اماتو او پی کی میموریل سروس میں صوبائی وزیر برائے انسانی حقوق و اقلیتی امور پنجاب اعجاز عالم آگسٹین نے خصوصی شرکت کی، اظہار خیالات کرتے ہوئے ان کی ساری خدمات کو خراج تحسین پیش کیا۔
ایلڈینو اماتو نے اپنی زندگی تعلیم کے فروغ اور بے گھر لوگوں کو پناہ دینے میں صرف کی۔
یہ بھی پڑھیں؛ کرسچین ہسپتال ٹیکسلاانتہائی برے حالات سے دوچار
ماہر تعلیم اور سماجی کارکن فادر الڈینو اماتو کا کورونا سے انتقال ہوگیا۔ انہوں نے مسلسل 60 سال انسانیت کی خدمت کی۔ وہ تعلیم اور ترقی کا شوق رکھتے تھے۔ 1962 میں پاکستان آنے کے بعد ، اماتو نے چھ گرجا گھر ، تین اسکول اور ہاسٹل ، نابینا افراد کے لئے دو تربیتی مراکز ، دو رہائشی کالج اور خواتین کا کالج تعمیر کیا۔
انہوں نے ایمان سے بالاتر ہوکر لوگوں کی خدمت کی اور ویران جگہوں پر بستیاں قائم کیں۔
فادر اماتو کے طالب علم نبیل انتھونی کا کہنا ہے کہ ایلڈینو اماتو نے ایسے اداروں کی بنیاد رکھی جو مذہب سے بالاتر ہیں۔ اماتو کی آخری رسومات ان کے اپنے خواتین کالج میں ادا کی گئیں ، جس میں سیکڑوں افراد نے شرکت کی۔
إرسال تعليق
Show discipline and civility while commenting and don't use rude words. Thanks for your cooperation