پاکستان میں امریکی سفارتی قیادت میں اہم تبدیلیاں، نیٹلی بیکر مستقل ناظم الامور مقرر

Natalie A. Baker Appointed Permanent Chargé d’Affaires at US Embassy in Pakistan. Report: Amir Javed.

امریکہ نے نیٹلی اے بیکر (Natalie A. Baker) کو پاکستان میں امریکی سفارت خانے کی مستقل ناظم الامور مقرر کر دیا ہے۔ انہوں نے جنوری 2025 میں قائم مقام ناظم الامور کی حیثیت سے ذمہ داریاں سنبھالی تھیں، جنہیں اب مستقل حیثیت دے دی گئی ہے۔اس کے علاوہ، امریکی محکمہ خارجہ نے کیتھرین کونل (Catherine Connell) کو اسلام آباد میں امریکی سفارت خانے کی نائب سربراہِ مشن (DCM) مقرر کیا ہے۔ وہ اپنی نئی ذمہ داریاں سنبھال چکی ہیں اور سفارت خانے کے انتظامی و سفارتی امور میں نیٹلی بیکر کی معاونت کریں گی۔یہ تقرریاں پاکستان میں امریکی سفارتی مشن کی اعلیٰ قیادت میں تبدیلیوں کی عکاسی کرتی ہیں اور دونوں ممالک کے درمیان جاری سفارتی روابط کے تناظر میں سامنے آئی ہیں۔

رپورٹ
عامر جاوید
کوآرڈینیٹر، نیوم سٹی، سعودی عرب