 |
| سینٹ جوزف کیتھڈرل، لالکرتی میں نئے بشپ ہاؤس کی برکت کی تقریب |
راولپنڈی کے سینٹ جوزف کیتھڈرل، لالکرتی میں 9 نومبر 2024 کو ایک روحانی اور بابرکت تقریب کا انعقاد ہوا، جس میں نئے بشپ ہاؤس کو برکت دی گئی۔
اس پاک تقریب کی قیادت پاکستان کے معزز کیتھولک رہنما، کارڈینل جوزف کوٹس نے فرمائی، جبکہ ان کے ساتھ پاکستان میں ویٹیکن کے سفیر، آرچ بشپ جرمانو پینیموٹے اور پاکستان کیتھولک بشپس کانفرنس کے تمام بشپ صاحبان بھی شریک ہوئے۔
اس بابرکت تقریب میں اسلام آباد/راولپنڈی ڈائیوسیز کے کثیر تعداد میں فادر صاحبان، دیگر ڈائیوسیز سے مہمان فادر صاحبان، مذہبی برادریوں کے فادرز، سسٹرز اور برادرز، مخصوص جماعت کے ممبران، ڈائیوسیز کی مختلف کمیشنز کے انچارج، اسکولوں کے پرنسپل، اساتذہ، طلباء اور بڑی تعداد میں وفادار مسیحی شریک ہوئے۔
پاک ماس کے دوران تمام حاضرین نے اس نئے بشپ ہاؤس کے لیے برکت کی دعا کی، تاکہ یہ مقام نہ صرف مذہبی رہنماؤں کے لیے ایک مرکز ہو، بلکہ خدا کے کلام کے فروغ اور خدمت کے لیے ایک مضبوط بنیاد فراہم کرے۔
اس تاریخی موقع پر شرکت کرنے والے تمام افراد کے لیے یہ دن ایمان، عقیدت اور محبت کا مظہر تھا۔
إرسال تعليق
Show discipline and civility while commenting and don't use rude words. Thanks for your cooperation