سینٹ پالز ہائی اسکول میں نئی عمارت کی افتتاحی و برکت کی تقریب منعقد

 

St. Paul’s High School Holds Inauguration and Blessing Ceremony for New Building. Report: Amir Javed.

لاہور: سینٹ پالز ہائی اسکول، والٹن روڈ، لاہور کینٹ میں نئی تعمیر شدہ اسکول عمارت کی افتتاحی اور برکت کی پروقار تقریب منعقد ہوئی۔ تقریب کے مہمانِ خصوصی آرچ بشپ خالد رحمت OFM Cap. تھے، جبکہ دیگر معزز مہمانوں نے بھی شرکت کی۔اس موقع پر خدا کا شکر ادا کرتے ہوئے نئی عمارت کو طلبہ کے روشن مستقبل، معیاری تعلیم اور تعلیمی ترقی کی جانب ایک اہم قدم قرار دیا گیا۔

اسکول انتظامیہ نے آرچ ڈائیوسیس آف لاہور کی فراخ دلانہ معاونت اور اس قیمتی تحفے پر دلی تشکر کا اظہار کیا۔ اس کے علاوہ کیتھولک بورڈ آف ایجوکیشن لاہور، اسکول کے عملے، والدین اور تمام خیرخواہوں کا بھی شکریہ ادا کیا گیا، جن کی کوششوں اور تعاون سے یہ منصوبہ پایۂ تکمیل تک پہنچا۔تقریب کے اختتام پر اس امید کا اظہار کیا گیا کہ نئی عمارت بچوں کے لیے علم، امید، بہترین تعلیم اور روشن مستقبل کے نئے دروازے کھولے گی۔سینٹ پالز ہائی اسکول کا عزم ہے: ’’ذہنوں کی آبیاری، رہنماؤں کی تربیت‘‘۔

رپورٹ
عامر جاوید
کوآرڈینیٹر، نیوم سٹی، سعودی عرب