Pakistan and Maldives Sign 20 MoUs to Expand Cooperation Across Key Sectors. Report: Amir Javed.
اسلام آباد: پاکستان اور مالدیپ نے دوطرفہ تعلقات کو مزید مضبوط بنانے کے لیے مختلف شعبوں میں 20 مفاہمتی یادداشتوں کا تبادلہ کیا ہے۔ یہ معاہدے 21 اکتوبر 2026 کو مالدیپ کے صدر ڈاکٹر محمد معیزو کے تین روزہ سرکاری دورۂ پاکستان کے دوران وزیراعظم شہباز شریف کی موجودگی میں طے پائے۔
معاہدوں میں انفارمیشن ٹیکنالوجی، مصنوعی ذہانت، سائبر سکیورٹی، دفاع، بحری سلامتی، صحت، تعلیم، زراعت، ماہی گیری، سیاحت اور فضائی رابطوں سمیت اہم شعبوں میں تعاون شامل ہے۔
دونوں ممالک نے دوطرفہ تجارت کو موجودہ 13 کروڑ ڈالر سے بڑھا کر آئندہ دو برس میں 20 کروڑ ڈالر تک لے جانے کا ہدف بھی مقرر کیا ہے۔ ان اقدامات کا مقصد اقتصادی روابط کو فروغ دینا، کاروباری و سرمایہ کاری کے نئے مواقع پیدا کرنا اور سرکاری اداروں کے درمیان تعاون بڑھانا ہے۔
یہ پیش رفت پاکستان اور مالدیپ کے درمیان 60 سالہ سفارتی تعلقات کو مزید مستحکم بنانے کی جانب ایک اہم قدم قرار دی جا رہی ہے۔
عامر جاوید
اوورسیز کوآرڈینیٹر، کوآرڈینیٹر، نیوم سٹی، سعودی عرب