.webp "Jordan Church Attack During Funeral Rites Leaves 9 Dead, 34 Injured | Nawai Masihi") |
| Jordan Church Attack During Funeral Rites Leaves 9 Dead, 34 Injured. Report: Amir Javed. |
اردن کے صوبہ کرک کے گاؤں حمود میں واقع سینٹ جارج یونانی آرتھوڈوکس چرچ میں 23 اکتوبر 2026ء کو جنازے کی آخری رسومات کے دوران مسلح حملے کی اطلاع موصول ہوئی ہے، جس کے نتیجے میں کم از کم 9 افراد جاں بحق جبکہ 34 زخمی ہونے کا دعویٰ کیا گیا ہے۔ زخمیوں کو طبی امداد کے لیے اسپتال منتقل کیا گیا۔
موصولہ اطلاعات کے مطابق، کم از کم تین مسلح افراد چرچ کے قریب پہنچے اور وہاں موجود سوگواروں پر فائرنگ شروع کر دی۔ واقعے کے وقت چرچ میں بڑی تعداد میں افراد جنازے کی رسومات میں شریک تھے، جس کے باعث علاقے میں خوف و ہراس پھیل گیا۔
اطلاعات کے مطابق، اردنی سکیورٹی اداروں نے واقعے کی تحقیقات اور حملے میں ملوث افراد کی تلاش شروع کر دی۔ تاہم، حملے کی ذمہ داری کسی تنظیم کی جانب سے قبول کیے جانے اور ملزمان کے محرکات کے بارے میں حتمی تصدیق سامنے نہیں آئی تھی۔
اردن کے بادشاہ شاہ عبداللہ دوم سے اس حملے کی شدید مذمت منسوب کی گئی ہے، جبکہ واقعے پر بین الاقوامی سطح پر بھی افسوس اور مذمت کا اظہار کیے جانے کی اطلاعات ہیں۔
چرچ میں جنازے کی رسومات کے دوران پیش آنے والا ایسا واقعہ مسیحی برادری سمیت تمام انسانیت کے لیے گہرے دکھ اور تشویش کا باعث ہے۔ عبادت گاہوں اور سوگوار خاندانوں کو نشانہ بنانا انسانی جان، مذہبی آزادی اور امن و سلامتی کے حوالے سے سنگین خدشات کو جنم دیتا ہے۔
دعا ہے کہ خداوند سوگوار خاندانوں کو صبر و ہمت عطا فرمائے، زخمیوں کو جلد صحت یابی بخشے اور اردن سمیت پوری دنیا میں امن، محبت اور سلامتی قائم فرمائے۔ آمین۔
عامر جاوید
کوآرڈینیٹر، نیوم سٹی، سعودی عرب