 |
| ہارویسٹر بشارتی شفائیہ و روحانی بیداری فیسٹیول کا کامیاب انعقاد |
رحیم یار خان کے نواحی علاقے چک نمبر 135پی میں "کنڈم آف گاڈ چرچ" کی انتظامیہ کے زیرِ اہتمام ایک روحانی فیسٹیول "ہارویسٹر بشارتی شفائیہ و روحانی بیداری فیسٹیول" منعقد ہوا۔ اس بابرکت اجتماع میں بڑی تعداد میں مسیحی برادری نے شرکت کی اور خدا کے جلال کو محسوس کیا۔
فیسٹیول کے دوران خداوند کے مقدس کلام کی خدمت پادری کامران شفقت نے انجام دی۔ ان کے متاثر کن پیغام نے حاضرین کے دلوں کو چھو لیا اور روحانی بیداری کا باعث بنا۔ اس فیسٹیول میں خصوصی دعاؤں، حمد و ثنا، اور شفائیہ لمحات نے فضا کو روحانیت سے بھر دیا۔
فیسٹیول کے منتظم پاسٹر ہارون چیدہ تھے جن کی محنت اور لگن کے باعث یہ پروگرام نہایت نظم و ضبط کے ساتھ مکمل ہوا۔ چرچ انتظامیہ، خدام، اور شرکاء کی طرف سے اس فیسٹیول کو روحانی لحاظ سے ایک کامیاب اور یادگار موقع قرار دیا گیا۔
شرکاء نے خدا کا شکر ادا کیا کہ انہیں اس بابرکت موقع میں شرکت کا شرف حاصل ہوا، اور دعا کی کہ ایسی محفلیں مستقبل میں بھی جاری رہیں تاکہ ایمان کی تجدید اور روحانی ترقی ممکن ہو سکے۔
إرسال تعليق
Show discipline and civility while commenting and don't use rude words. Thanks for your cooperation